因為yahoo 要收檔，
唯有周圍搵去邊度開新blog。
最後經朋友介紹， 無錯呀，好似相睇介紹咁...嘻嘻...
搵到哩度。
今次係第一次喺哩邊post，
哩個星期係Le Creuset半年一度嘅開倉，
我當然唔會放過買平嘢嘅機會。
上星期六開倉第一日，
我由五點三起身預備三文治做早餐，（仲要預埋朋友嗰份）
朋友老公載我地去。
去到現場已經六點多，
己經有六十幾人排緊。
今次LC嘅安排，簡直係大混亂。
排頭幾位嘅人，公然插隊，由一變四，四變十， 最後變咗三十多人。
原本排第十一嘅人變咗第三十一，
我地排後嘅人，當然唔駛講，由六十幾變咗一佰。
等咗五個幾鐘，終於可以入去。
但入到去又見到排頭嗰啲人將啲碗碟成幢成幢咁搬晒落地，
攪到我地得過睇冇得買...唉...
LC嘅staff又當睇唔到，真係令人好失望。
睇番我排咗五個鐘後嘅收獲
好多粉色呀～～全部得來不易！！
大花花碟係好好彩有位人兄多出而讓比我。
心心杯好靚，同老公一人一隻。
spoonrest 我一直都好想買，而家＄90抵買！
26cm round係幫媽咪買。
上次我買咗紫和橙嘅碗，
今次見到有粉藍色梗係要買啦！
粉藍色長碟放雞翼好靚。
粉紅圓碟就啱啱可以同我上次日本yahoo買嘅趁番一對。
可以上火爐嘅焗盤
心心杯連我細佬女朋友都勁讚～～
哩個crepe pan我好想買好耐，
月頭上LC cooking class之後已經想買，
但要成仟三蚊，太貴喇，
今次開倉居然比我見到佢，仲係賣＄650，
唔買對唔住自己。
返到屋企，兩個小朋友已經好想試下整pancake。
我仲試整埋煎蛋和crepe。
其實我去咗兩日， 第二日有埋阿Do陪我。
因為下午四點幾去，都冇乜嘢可以揀，
好彩幸運地買到17 cm oval bb 。
細細個好可愛
即晚開光煮湯丸
煮法： 煲滾水後，加晒啲湯丸入去，關蓋，焗咗15分鐘 。開番蓋煲番滾， 食得。
咁辛苦買到花花碟，當然要留比自己用。
簡易卡邦尼雞肉意粉，
齋睇已經好吸引。
＊＊留意下邊心型焗盤係我之前買落，唔係開食買㗎＊＊
用黎做咗芝士白汁雞肉意粉。
歡迎大家上Bullbull自家廚房留言比我～～
