從雜誌中得知ABC cooking studio會在香港開已經好興奮。
見到佢地提供一次式體驗課程只係＄200（只供12月份和已在facebook 讚好），
點都要去試下啦。
聽到人地講由早到晚都打唔通個電話，
咁我姑且試下打，點知打第二次就得咗。
接電話嘅姐姐仲好有禮貌解釋我聽，值得一讚！
因為我比較心急，
所以昨日打電話，
今日已經黎上堂喇～～
（我仲拉埋我阿媽一齊去～～）
（我仲拉埋我阿媽一齊去～～）
講番地點，ABC cooking studio位於尖沙咀K11，
不過我住得比較遠，好彩ABC好近MTR站，
所以都算就腳。
一入到去，真係非常舒服，
地方大，又整齊，
所有老師都著得好prof㗎。
佢地分開兩間房， 大嗰間就係比做包和蛋糕用，
細個間就係做料理。
如果喺正最中間嘅大枱學煮嘢食，
上面會有cam影住，
咁大個電視機一定唔會睇漏眼啦！
去ABC上堂，係唔駛帶嘢㗎，
圍裙、材料，樣樣幫你準備好。
又有locker比你放個人物品，
完全唔駛你費心。
今次體驗課程係做兩款包。（除咗包仲可以選擇做蛋糕或料理，但每人只可以三選一）
﹣﹣＞肉桂卷和火腿沙律包，課程只需兩小時就完成。
做好之後，老師仲好細心幫我地包好拎走，完全係貼心嘅服務。
佢地仲提供好多唔同款式嘅包裝紙，自己可以任揀。
做好送比老公或男朋友都得喎。
哩個焗爐焗包包嘅顏色唔錯喎。
而且連發酵都可以做埋。
香港好似都有類似款式賣。
而且連發酵都可以做埋。
香港好似都有類似款式賣。
講到課程嘅價錢，可以package買，或最少六堂咁買，
唔可以只買一堂㗎。
同埋如果上晒所有課程後，
可以另外比＄8000考試（無限次考，直至合格為止），
合格可以有証書，
到時可以明正言順用ABC 嘅食譜出去自己開店或開班授徒。
雖然價錢唔平，
但咁嘅環境同質素，
又真係幾吸引。
而家因為新開店，
如果12月前參加正式嘅課程，
可以免入會費（＄800），
有興趣嘅blog友，快嘅打去book個時間玩下啦！！
Tel: 23367022
