AirFryer - 焗杯杯蛋糕

AirFryer - 焗杯杯蛋糕

文章日期：03/04/2013 02:53 pm

星期六帶囡囡去學芭蕾舞，

行過包包舖佢指住啲瑞士卷話想食，

但見到一舊要成四十幾蚊，

所以都係返屋企焗條比佢食算喇。

慳番啲錢嘛～～

但係份量好似多啲啲，

咁當然唔好浪費啦，

搵啲紙杯出黎用airfryer焗埋佢，

一様咁好食～～

阿囡非常鍾意食～～

我先preheat180度，焗5mins，

但又怕會燶，所以改為160度焗多約10mins （其實我大約咋，因為冇特別留意時間），

可以插枝針睇下有冇粉漿有黏住，冇就OK喇）

歡迎大家上Bullbull自家廚房留言比我～～

Middy at 04/23/2013 11:50 pm comment

唔好意思，唔知你可唔可以比呢個muffin 的食譜我，和詳細焗幾耐呀？因為我都係剛買這個airfryer , 但我都想整呢個啊！謝謝。

beandogsnow at 04/24/2013 10:53 am reply

其實哩個蛋糕係仔係用埋做瑞士卷剩番嘅粉漿去焗，唔係muffin黎㗎。

AirFryer - 超鬆牛油曲奇（附食譜）焗爐適用

AirFryer - 超鬆牛油曲奇（附食譜）焗爐適用

文章日期：10/22/2012 01:04 pm

我自己真係好鍾意食曲奇，

不過最令我懷念係以前屋企樓下大牌檔賣嘅牛油曲奇，

用個大樽裝住，好味又夠牛油香。

而家一有時間我就會焗一大盤慢慢嘆，

加埋杯coffee，仲正呀～～

今次又係參考christine食譜，

不過因為唔想咁甜，

所以自己減糖。

真係真係好容易做，所以我仲拎埋啲材料，

去朋友屋企教佢做添～～

我又係用airfryer and oven去焗，比較下兩者嘅分別～～ 

Airfryer焗約11分鐘已經OK，但oven我要焗18分鐘先夠色。不過食落一樣咁鬆。

因為我係半夜焗，所以冇特別整形狀。

超鬆化牛油曲奇

材料： 
plain flour 150g
牛油160g
糖霜 40g 
吉士粉 20g
泡打粉1tsp
雲呢嗱香油少許

做法：
1．牛油室哦我溫放軟，另外把所有粉類材料撈勻再用篩篩好。
2．糖霜篩好備用。
3．把已放軟的牛油加入糖霜和雲呢嗱香油一起用打蛋機打至奶白色。
4．分幾次加入已篩好的粉類材炓，用低速攪勻。
5．用保鮮紙包好，輕輕搓成條型，包好放入雪櫃雪約20分鐘。（如果仲係好軟，要繼續雪）
6．oven preheat 180度(10mins)， airfryer preheat 180度（3mins)
7．拿出麵團切約1.5cm 厚(用airfryer要再簿身啲），可以用叉壓花。入爐焗15分鐘至金黃色（我屋企個爐要焗18分鐘），airfryer焗約11分鐘。（要自己睇實，小心容易會燶）
8．焗好之後，不要立即從焗盤拿出（因好容易碎），等約5分鐘後，才拿出放在架上，直至全涼後才放入密實盒內。


我個兩個小朋友非常鍾意食，連老公同媽咪都話好鬆化，兩日已經KO晒全部曲奇喇～～
歡迎大家上Bullbull自家廚房留言比我～～

carrie sze at 07/26/2013 02:28 pm comment

好開心可以遇到你呀! 上2星期我唔覺意地搵到你個blog, 因為我買左airfryer但又好少用, 依家有係呢個blog我就可以成日用喇!!thank you! 上星期跟住整左曲奇,大人細路都好開心,又好味! 我以後會多多向你學習

carrie sze at 07/26/2013 03:58 pm reply

我會有好多野問, 因為好少整野食,希望唔好見怪喇!

beandogsnow at 07/26/2013 02:47 pm reply

咁你就要睇多啲我個blog，用多啲airfryer喇，唔好浪費嘛～～ 哩款曲奇又真係幾好味，食唔停口添～ 我次次做兩個小朋友就𥄫到實一實，用極速食晒啲曲奇。

Sam Sam at 12/02/2012 05:48 pm comment

多謝你呀，分享左呢個食譜，整左比我侄仔生日會，家長們好喜歡。我連續整左兩日，明天又拿返公司請同事食

beandogsnow at 12/02/2012 11:49 pm reply

你唔好咁客氣，知道你地咁鍾意我都好開心～～你好忙呀～～又要整多轉返公司請朋友食

Sam Sam at 11/25/2012 03:53 pm comment

你好，正在找鬆化曲奇食譜，看見Gloria 你個食譜好吸引。想請問唔落吉士粉可以嗎，因我無吉士粉亦好少用，唔落會唔會影響口感呢？請指教。

beandogsnow at 11/25/2012 11:59 pm reply

多謝你～～如果你冇吉士粉可以唔加，不過加咗會香啲同埋顏色靚啲，對曲奇口感冇影響。

AirFryer - 朱古力梳乎厘 （附食譜）

AirFryer - 朱古力梳乎厘 （附食譜）

文章日期：12/18/2012 04:34 pm

我一見梳乎厘就會兩眼發光，

真係乜野味都勁like㗎！！！

之前做咗個原味，

今次就做過朱古力味，

又係做好唔夠一分鐘就食晒。

用了我新買嘅Le Creuset 花花杯焗，
唔食得都睇得～～

今次我係兩毎杯一齊放入airfryer內焗，但因為個網有少少斜度，所以會偏向一面漲起。

真係好鬼難影相，又係灑晒糖粉已經扁咗喇～～

哈哈...哩個份量啱啱做到兩杯，我同阿DO一人一杯，又係話咁快食晒～～

（參照其中一位blog友的食譜）

朱古力梳乎厘

材料：

蛋黃醬：

雞蛋黃1個

牛奶90ml

plain flour 15g

無糖可可粉5g

無監牛油10g

蛋白霜：

蛋白1個

糖25g

做法：

1.先把無糖可可粉和plain flour一起篩勻，備用。

2.先把牛油和糖塗入焗杯內，再灑上糖。

3.把牛奶用溫火加熱。

4.蛋黃拂勻後，加入牛奶內，用人手攪勻。

5.加入已篩好的可可粉和plain flour，輕輕力攪勻。

6.開小火，加熱粉漿，要一路攪住。
（留意，這一步很重要，一不小心便會過熱，令到粉漿變成固體）

7.直至見到有螺旋紋就可以停。

8.最後加入無糖牛油。

Preheat Airfryer 180度

9.先打蛋白，分兩次落糖。打到見到蛋白在打拂器出現尖而挺。

10.先取出少許約1/3的蛋白霜混合蛋黃醬，（切記要細力攪）。

11.把全部蛋黃霜加入餘下的蛋白霜內，以一個方向輕力攪勻。

12.倒入焗杯內約七至八成滿。

13.放入airfryer內焗約7﹣8分鐘。

14.拿出灑上糖霜。

15.趁熱食～～

歡迎大家上Bullbull自家廚房留言比我～～

Airfryer ~ 原味梳乎厘 （附食譜）

AirFryer - 原味梳乎厘 Soufflé （附食譜）

文章日期：09/11/2012 11:36 pm

好耐之前曾經焗過原味梳乎厘 Soufflé，

大約焗12分鐘就有得食。

不過今晚我又手痕，

想試下用airfryer焗，

睇下得唔得......

airfryer preheat 200度（3mins)，焗8分鐘就OK。比用普通焗爐快。

不過兩者比較，airfryer會較深色，但焗出黎質感都係差唔多。

我今次用了Christine 的簡易食譜內的份量去做。
材料：(可以做四杯）

蛋白 2隻
蛋黃 1隻
麵粉 1湯匙
糖 2湯匙
牛奶 50毫升
雲呢拿油 (vanilla extract, 香草精) 少許
做法：

1. 先把焗爐預熱至200度C. 把牛奶座熱或用微波爐弄暖。
2. 加 1湯匙糖到蛋黃中，打至淡黃色，然後加雲呢拿油拌勻。跟著，加入篩過的麵粉攪勻，拌入已座暖的牛奶，放涼備用。
3. 把蛋白打至起泡後，加入 1湯匙糖打至企身。
4. 把第 2項的混合物加入蛋白中拌勻，倒入杯中，八成滿就好了。因為會膨脹很高的。放入預熱的airfryer200度（3mins)，焗約7-8分鐘。

快靚正～～


歡迎大家上Bullbull自家廚房留言比我～～

閃閃流星 at 08/03/2013 01:30 am comment

Ok!Thnx for respond^^

閃閃流星 at 08/02/2013 03:29 am comment

Hi! Please tell me the oz for the souffle cup? Thnx^_^

beandogsnow at 08/02/2013 03:35 pm reply

我都唔知有幾多安士喎。不如我話你知個杯圓周係8cm，你睇下買唔買啦。

小寶 at 09/12/2012 09:11 pm comment

我就係見到你這個， 所以“啲”起心肝做我第一杯梳乎厘

beandogsnow at 09/13/2012 11:36 am reply

哈哈......咁咪好囉，又可以用airfryer做多一款美食～～可以同屋企人分享嘛～～

Airfryer ~ 心太軟 （附食譜）

AirFryer - 心太軟（附食譜）

文章日期：09/20/2012 12:15 am

平時都好鐘意食心太軟，

但出街食吓吓要成四十幾蚊，

真係好唔抵！！

見到網上咁多心太軟食譜當然要搵過試做一下～～

用咗唔駛一小時就做好喇，

嘻嘻...唔駛阿Do等到頸都長。

嘩嘩嘩...... 啲朱古力醬勁流呀......未食已經流晒口水

心太軟食譜：

材料：

朱古力 100g

糖50g

無糖朱古力粉 1tsp

蛋 1隻半 （中型size）

無鹽牛油 95g

麵粉 50g

做法：1. 把牛油座溶（可用微波爐，但分幾次溶）2. 朱古力要用熱水座溶，不可以直接用煲煮，會燶。3. 把牛油加入朱古力攪勻，備用。4. 把糖加入雞蛋，用打蛋機打至奶黃色。5. 分幾次把朱古力混合物加入蛋醬內，輕輕攪勻。 6. 麵粉和無糖朱古力粉一起篩好後，分幾次加入（5）內，輕力攪至均勻。7. 準備焗模（我在十二蚊店買），塗上牛油。8. Airfryer preheat 180度 （3mins）。9. 把朱古力醬倒入焗模約7﹣8成滿。10. 焗7﹣8分鐘，如果想焗得硬身（少朱古力醬），可以再焗多1﹣2分鐘。11. 焗好立即倒出，蛋糕面上灑少許糖霜。

**25/1/2013 我的朋友跟我的食譜做了，很成功呢～～你地都快啲試下啦～～

歡迎大家上Bullbull自家廚房留言比我～～

Ka at 08/15/2013 02:05 am comment

我想問下焗爐要幾多度預熱？

Ka at 08/15/2013 04:54 pm reply

thank you

beandogsnow at 08/15/2013 11:31 am reply

我部機預熱3分鐘就OK。朱古力就視乎你鍾意食甜啲定苦啲。甜啲就用牛奶朱古力，苦啲就用黑朱古力。

Ka at 08/15/2013 02:09 am reply

同埋朱古力係咪要黑朱古力？

Man Ki at 08/12/2013 06:44 pm comment

我想問係用低筋麵粉or高筋麵粉or普通麵粉? 如果120g朱古力,120g無鹽牛油,4隻蛋,120g糖,60g麵粉這個份量可做多少杯?

beandogsnow at 08/12/2013 10:09 pm reply

麵粉＝平時整蛋糕嘅粉＝低筋粉 唔好意思，我都唔係咁清楚你嘅份量可以做到幾多杯，不如你試做一次，咁咪知道可以做到幾多杯。

Hiulam at 04/23/2013 08:52 pm comment

你好，我想請問有d人會將佢焗之前放入雪櫃，而你就唔洗，想問有咩分別，最主要係會唔會影響心太軟出黎既效果??? 因為我想做cookery exam 既甜品，得一個半鐘，唔知可唔可行呢? Thanks :D

Hiulam at 04/23/2013 09:12 pm reply

Thanks!!!

beandogsnow at 04/23/2013 09:11 pm reply

如果得一個半小時，應該係夠時間做好。

beandogsnow at 04/23/2013 09:11 pm reply

其實如果你即時做好係唔駛放入去雪（我自己即做即食）。我係因為食唔晒，所以先放入雪櫃keep幾日咋。 如果你問我嘅分別就係焗嘅時間唔同囉。如果你焗之前喺雪櫃拎出黎攤番暖，咁效果都唔會相差好多。

Coey at 03/12/2013 04:27 pm comment

你好, 我想請問你, 如果照你以上份量整到5杯, 但食唔晒, 可唔可以倒左模放入雪櫃先, 下次食至拎出來焗? 定係要即整即食, 無得留架? 謝謝!!

Coey at 03/12/2013 05:03 pm reply

Thank you!

beandogsnow at 03/12/2013 05:01 pm reply

可以雪落雪櫃下格，但最好要幾日內食完，因為似終有蛋，唔可以放咁耐。

sally at 02/12/2013 06:46 pm comment

我想問下呢個幾多人份量：p 同埋焗到可吾可以用電飯煲教個時間焗@@?

beandogsnow at 02/13/2013 12:41 pm reply

原來係咁

sally at 02/12/2013 11:03 pm reply

系啊！！因為見到有d電飯煲焗cake都可以， 屋企又冇焗爐，所以想睇下得吾得

beandogsnow at 02/12/2013 11:00 pm reply

其實都要視乎你用嘅杯，我自己大約做到五杯。 我唔係好明你話用電飯煲教乜嘢時間呀？係唔係指用電飯煲焗？我諗應該唔得喇。

Yukiko at 01/21/2013 11:58 pm comment

和出面吃的一樣，謝謝你的食譜

beandogsnow at 01/22/2013 12:05 am reply

多謝你嘅支持～～

Louise at 01/15/2013 01:58 pm comment

這個份量可做多少杯？

beandogsnow at 01/15/2013 10:59 pm reply

可以做到五杯。

Happy Queen at 01/12/2013 08:21 pm comment

I try this but donno y cannot have liquid flow when I cut the cake....

beandogsnow at 01/14/2013 11:14 pm reply

會不會你焗得太耐呢？試下減時間，睇吓得唔得？

yuk kiu at 11/19/2012 09:31 am comment

星期六終於做了心太軟, 屋企人吃了都讚好, 十分感激你! 我的女兒很想吃鬆餅(muffin), 你有無試過用airfryer做鬆餅? 可否提供一些食譜和要訣? 期待你的分享.Thanks a lot!

beandogsnow at 11/19/2012 08:40 pm reply

很高興你能成功做到心太軟，想必你的家人一定十分欣賞～ 我暫時未試過做muffin，或者你留意住我個blog吧～～

yuk kiu at 11/13/2012 09:27 pm comment

朱古力是否在超市售賣的普通排裝朱古力? 無糖朱古力粉在一般超市買到嗎? 是否專用來焗蛋糕的? 以上份量可做多少個蛋糕? 每次同時焗兩個可以嗎? 抱歉實在太多問題了, 因我是新手, 但被你的食物吸引, 很想自己試試, 不會浪費了部airfryer. 謝謝!

beandogsnow at 11/15/2012 07:28 am reply

不要客氣～～我的朱古力和無糖朱古力粉都在烘焙店買的。不過你亦可以在超市買，但價錢會貴啲。如果用airfryer，因為時間短，所以我每次只係焗一個咋，不過你都可以試下焗兩個，但時間可能要自已調整一下。以上份量大約可以做到五至六個（視乎杯的大少）。祝你成功～～

yuk kiu at 11/12/2012 06:10 pm comment

請問是否用plain flour? self-raising flour 得唔得? 我部Airfryer只用過整薯條,看了你的食譜很想整心太軟和燒肉, Thanks

beandogsnow at 11/12/2012 11:44 pm reply

是plain flour，不可以用self-raising flour 代替。這個心太軟好容易成功，你都試下。

KA YI at 09/23/2012 12:58 am comment

見到你用AirFryer 可以用咁小油就煮都咁多野食,真係好吸引呀!! 我都好想買返個呀!! 不過怕好難清洗. 所以想問下會否好難洗??? 謝謝^^ 期待你再快多d用airfryer 既食譜呀!!

beandogsnow at 09/24/2012 12:28 am reply

講到油煙，其實真係唔多，只係煮某幾樣先會多啲煙出，例如燒三文魚頭，燒肉。因為我部機係放係抽油煙機附近，所以都會順便吸埋啲油煙走。

beandogsnow at 09/24/2012 12:27 am reply

好多謝你嘅支持呀～～ 其實我自己就覺得唔係話太難洗。不過部機嘅發熱線係拆唔到洗，只係用抹油紙伸得幾入就抹幾入。我見到有啲blog友話直接拆開個網洗（但我冇咁做怕會爛）。只要每次用完可以先浸下水，得一陣先洗會容易好多。

KA YI at 09/23/2012 03:43 am reply

唔好意思呀, 想問多一野, 如果用部機時會唔會好大油煙?? THANKS!!^^