天氣熱成咁最好係食乜呢？
當然係凍冰冰嘅芒果啦。
今次學做嘅係芒果慕絲，
做法都算簡單，
材料都唔難買。
經過成個鐘頭嘅車程先返到屋企，
因為今次我用膠紙痴得好實，
所以返到屋企打開個盒睇都冇話散晒～～
我媽咪、兩個小朋友同阿Do已經試食過，
媽咪同小朋友就好鍾意，
但阿Do就話乳酪自己麻麻地，
但都好好味喎。（唔知係唔係真心呢？）
阿Do話我整得好似酒店出品，張相亦影得好靚。
慕絲入面有兩層朱古力海棉蛋糕，
加埋有芒果酒嘅乳酪和面頭嘅芒果布甸，
口感豐富呀！
上層嘅原粒芒果都有啲酸，
配埋芒果布甸，
完全中和咗酸味，
變得啱啱好。
下次我會改良一下，
試下用士多啤梨做，（我勁鍾意士多啤梨嘛）
應該都會唔錯。
歡迎大家上Bullbull自家廚房留言比我～～
沒有留言:
張貼留言