因為瞓嚟頸，
我起身後痛到死。
要食止痛藥止痛。
最弊係約晒人要帶兩細去書展...（每年都必去）
唉...唯有頂硬上啦～
去完再食埋嘢已經三點半。
返去屋企小睡片刻（其實係坐喺梳化唔覺意瞓著），
又要出動去ABC學包。
哩堂唔可以唔去，
又係晨咁早約晒朋友，
又要繼續頂啦～～（止痛藥唔少得）
今次學做嘅包型真係有難度，
要做到一朵花，
你話難度幾大呢！
我仲要hold住條頸向下望，
又係一個字。。痛。。（−＿−；）
今次我覺得做得麻麻地咋，
好多位置摺得唔夠靚。
做好花型之後，等第二次發酵。
有啲位做得唔好夠好，但整體都似一朵花。
另外我又上咗第二堂master course，
做拿破倫酥皮蛋糕。
今次由晚上六點開始，
上到十點，
再加半小時雪藏，
用咗我4個半小時呀！！
體力同耐力嘅挑戰..,(o_0)
酥皮真係要好有耐性去做，邊壓邊雪，少啲心機都唔得。
不過唔知係唔係我技術唔夠，
覺得酥皮唔夠鬆化...(−_−＃)
但吉士真係好好味。
我會再練習，練習，再練習～～
做到成功為止！！
歡迎大家上Bullbull自家廚房留言比我～～
沒有留言:
張貼留言