話說我又用咗P仔去打麵糰，
跟手就走咗去整咗個菠蘿包皮。
當包包焗好個陣，
我拎住相機準備影相，
突然一陣風吹過，
有一隻無影爪伸咗去推個包....
究竟係邊個咁大膽？？
望真啲，原來係阿斗少爺。
佢真係好鍾意食麵包，
每次焗起佢就千方百計想要拎黎食，
我唔比佢，佢就直頭瞓係枱上面望住我眼都唔眨。
真係比佢激鬼死！！
我只好推走佢，再關埋廚房門，
唉...真係為食貓...話極都唔聽。
就係哩個P仔菠蘿包，
圓轆轆，唔怪得斗少都以身犯險...
可能佢以為係個波可以踢。
斗少以身犯險，被我當場捉到～～
可能佢覺得好似個波。講番做法先～～
菠蘿包同之前雞尾飽係一樣，只係餡唔同。
菠蘿包皮
低筋粉 100g
固體菜油55g
奶粉4g
糖40g﹣50g
臭粉0.5g
梳打粉 0.5g
蛋約1茶匙
水約1茶匙
黃色食用色素幾滴
先把糖、臭粉、梳打粉攪勻，再加餘下材料拌勻。
＊＊如果唔加臭粉，皮焗起未必會爆得靚，但唔會影響食味＊＊
歡迎大家上Bullbull自家廚房留言比我～～
蛋一隻...咁用唔用埋蛋白..?
全蛋呀，蛋黃和蛋白都一齊要。
我想問..奶粉..?..即係咩奶粉...新手..唔該晒..我怕我會拎錯阿女D奶粉用..!!
你可以去烘焙店買一包包賣。又或者我會買一大罐anchor全脫奶粉慢慢用。
為食貓...
咪係囉～～
你好呀，我剛剛買左m8廚師機，但打兩隻蛋打極都冇咩反應，是不是份量太少呀？
如果打蛋打唔到，你可以調較一下個蛋 拂，較低啲就可以拂到。
glo glo我想問下你可唔可以分享個菜膽雞食譜呀?因為我想整呢個比我阿哥同老公食,佢地2個都好LIKE,不過我係網上面搵唔到呢個食譜呢,唔知你介唔介意教我整呢
哈哈..你喺度做魔鬼引我？睇吓到時情況先可以決定呀～～你去到開倉我都怕你會失控喎。你去番LC website register咗，佢地到時會email通知你幾時private sale.
去啦去啦 開~倉~喎 哈哈哈 我都係諗住比個女老公睇住 自己出去掃貨
如果我去嘅話，當然冇問題啦，不過我都要睇實際情況，事關我仲有兩隻馬騮仔要湊。暫時我都未知邊度開倉喎，上年好似係causeway bay，今次三月係海運大廈。帶埋喼都要呀，唔駛拎得咁辛苦嘛～～我其實都係購物狂，但因為屋企已經有好多LC，要同自己講理智啲先得！
thanks 同埋LC係咪9月開倉呀?我8月返香港 可以約埋一齊去嗎?因為我冇用過,唔知第一次應該買咩好,我係購物狂 見靚就會想買,
可以的，但要等我稍後有時間先可以post上黎。
hahahaha 貓貓好識貨呀 OH我的寶貝菠蘿包來啦
thank you呀 澳洲唔知有冇臭粉買 如果冇我試下唔落睇下整出黎係咩效果先
臭粉唔落只係冇咁靚同脆，但梳打粉唔落唔得喎，放心啦，1g都唔夠對身體唔會影響㗎。CC＝ml 相等㗎。
我剛剛先睇到要落梳打粉,係唔係一定要落架?因為聽D人話梳打粉好似都係化學野呢...仲有呀glo glo我想請教下你,我見到食譜成日量奶係用CC,我想請問CC點計?例如150CC牛奶即是幾多G/ML呀?
哈哈...斗少真係好識貨～～
沒有留言:
張貼留言