ABC cooking ～ 蛋包飯 ＋ 鮮果吉士忌廉卷

因為啱啱轉咗Trial class料理嘅menu，

今次係做蛋包飯。

唔講唔知，

原來日本係分咗幾款蛋包飯，

我仲以為只得一款，

就係得雞蛋包住啲飯。

另外日本老師仲做教埋我整沙律汁，

酸酸地幾好味，

以後唔駛再出街買現成嘅醬汁。（食少啲防腐劑）

一份都飽肚㗎～～

zoom近啲，滑蛋加埋汁，一絕～～

學咗當然要拿拿聲返屋企實習啦！

學校係用日本蛋，我就用咗美國蛋。

因為蛋黃唔夠色，做起會淺色啲。

下次買番日本蛋做先。

我用咗日本米，

每粒肥嘟嘟，

真係好好味。

兩個小朋友5分鐘內已經KO晒全碟，

仲問我有冇得添食...

最後我食咗一半比埋佢分晒。

已經落order要我再煮比佢地食。

哈哈...連出咗trip嘅阿DO都越洋打長途話一定要等佢返黎煮比佢食～～

跟住到學鮮果吉士忌廉卷蛋～

之前曾經做過綠茶紅豆卷，

今次做法同上次完全唔同。

用咗分蛋法做，

食落非常鬆軟～～

不過最辛苦嘅步驟就係要不停咁攪吉士，

攪到手軟呀！

哈哈...整多啲就可以練吓手臂力。

因為之前都做過好幾次綠茶卷，

所以今次捲都冇之前咁緊張，

都算捲得幾靚仔～～

不過如果吉士可以加多啲就仲好味！！

下次可以改士多啤梨，我最like㗎～～

咁多位blog友，提提大家而家佢地上trial class有優惠（只限4月份），

有member帶來可以＄200上堂。

如果想我帶你地去就去fb PM我啦～～

歡迎大家上Bullbull自家廚房留言比我～～