朋友知道我熱愛做包包，
特意借我試用哩一款Brod & Taylor Folding Proofer（簡稱B&T) 發酵箱。
嘻嘻..既然有新嘢試，（我最like試玩新玩具）
我當然義不容辭嗱嗱聲用下啦～～
講到發酵箱，
其實我家已經有一部Miele streamer，
都係可以用40度發酵。
不過以一般家庭黎講，
價錢未必啱，又或者係未必有位放，
如果可以有部能夠摺疊嘅發酵箱咁就perfect啦～～
去片睇下哩款發酵箱有幾好用先～～
B&T由美國製造，
睇下封面都有寫可以用作發酵、做乳酪、溶朱古力，
不過我暫時只係試咗發酵，遲啲先再試其他功能～～
未打開已經覺得好薄身，咁都好喎，
容易收藏嘛！
打開後好容易安裝，
整好就好似一個箱。
我屋企嘅焗盤可以放得下。
蓋面係透明，
方便大家周不時過去望下發酵情況。
溫度調較由21至上49度。
溫度調較由21至上49度。
我先加咗水入去個細兜，
預熱都要時間嘛，
所以我會先做較好40度，
一搓好個麵糰，就放入去發酵。
睇到圖中有兩盞爐，著咗紅色即唔夠溫度，夠溫度就只會著綠色。
放心啦，因為只得幾粒制按，
好容易操作。
我發咗35分鐘，就2.5倍大喇～～
溫度都保持得唔錯。
睇下包包再經過第二次發酵後，焗起幾靚～
而家仲出咗新配件，
可以放兩層架。
如果一次過做大量，
有兩層方便好多，
慳咗好多時間呀！！
配件售價係＄198
經過我用完後，
咁啱仔仔同學嘅媽咪又想試下，
我咪又拎去比佢玩，
今次都係一樣，
第一次發35分鐘，（每款包唔同㗎）
第二次20分分鐘，
焗出黎嘅包包都係圓轆轆～～
結果係...同學媽咪同埋佢家姐又話要買部。
如果你問我意見，
我覺得B&T真係幾慳位易用，
溫度亦keep得唔錯。
只係每次用完要抹乾收藏麻煩咗少少。（多窿位要抹）
但做得麵包嘅咁多位靚女們，
又點會覺得係麻煩呢～～（做包咪仲大工程）
另外如果做包成日因為發酵問題而失敗，
B&T幫到手㗎～～
如果你地都有興趣，
可以去烘焙店睇下。
又或者直接打去ACE KITCHEN LTD
搵Frankie Chu (Tel:60174957)
佢會好詳細解答到大家嘅問題～～
歡迎大家上Bullbull自家廚房留言比我～～
沒有留言:
張貼留言