ABC cooking ~ 心型一口餅

雖然情人節係14號， 

但我book唔到同阿Do一齊去ABC學整哩一款心型餅。 

所以遲一日先去學啦～～ 

哩一款餅其實係介乎餅同蛋糕之間， 

因為加埋朱古力餡，所以食落唔會好脆， 

而且仲有少少濕濕地嘅口感。 

當日上堂， 

見到阿Do好專心聽老師講解， 

佢仲幾跟得上進度， 

真係令我幾驚訝， 

事關佢平時絕對唔會做甜品比我食。（因為佢完全唔識嘛） 

今次嘅難度在於冇模或圖樣跟住唧， 

因為係夾心餅， 

所以必須要兩塊差唔多大細。 

我完全憑經驗， 

起初都會有啲走樣， 

但掌握到後就唧得唔錯， 

出黎嘅效果非常滿意～～

每人有12件，我拎到返屋企，

小朋已經九秒九要試食。

不過最好笑係佢地一睇已經知道邊盒係佢地daddy做，

笑鬼死我呀～～

用個LC花花碟載住，食個tea，好正，但一定會肥C囉！！

歡迎大家上Bullbull自家廚房留言比我～～