真係要㗎，
學完之後如果唔盡快返屋企做一次，
好多step會忘記。
雖然佢地比嘅食譜圖文並茂非常清楚，
但最好都係趁自己仲有記憶（個餸嘅煮法），
做番一次，再寫低心得（學校嘅爐同屋企唔同嘛），
咁就包冇衰！
我今次就係再做多一次韓國料理有海鮮薄餅、泡菜、炆豬肋骨。
材料唔難買去街市都可以買齊，
只係韓國辣椒粉要特別走去尖沙咀韓國街買。
韓式海鮮薄餅～～好味道～～
千萬唔好貪心，太大塊好容易會散。
哩度係一人前嘅份量，睇落真係好似多咗啲，食得我好飽！
加埋汁，真係好夾。
食唔晒放入雪櫃，
隔日加熱食，一樣好味。
好愛用哩個心心煲炆豬肋條，
半煮半焗，效果出色！
入口即溶，要再encore呀！！！！
今次嘅韓國晚餐煮嘅時間唔算長，
做法亦簡單，
一人一份，
（當然兩個小朋友就細份啲啦）
人人有份，永不落空。
歡迎大家上Bullbull自家廚房留言比我～～
沒有留言:
張貼留言