不過今次係出動P仔。
話說上次已經試過用P仔打過一次麵糰，
但食落總係好似差咁啲彈性，
經過我上網問啲好姐妹，
加入適量嘅木薯粉係可以有幫助。
所以今次我再用P仔做，
將食譜又再改良一下，
令到出黎嘅效果更好味～
跟住再醒多30mins，
之後摺三摺再手切。
朋友讚我切得好靚好似街買...（多謝晒(^O^)）
之後我用咗LC 媽咪鍋煲了一煲熱水去煮麵，
我發覺煮咁多麵，如果啲水唔夠熱，
煮完出黎會淋。
而家用LC，因為LC儲熱好，夠熱就煮乜都好食。
煮好要即時拿出再放入一盤冰水內，
咁就可以做到又爽又彈牙嘅靚烏冬。
望一望先...粗幼一樣，靚仔～～
跟手仲用埋airfryer炸咗塊雞扒和溫泉蛋一齊食。
嗰晚我同兩個小朋友一人一份，
食到想encore呀...
阿DO炸型話冇佢份
，當然啦佢又出trip唔係香港。烏冬：（改良後）
高筋粉150g
低筋粉150g
木薯粉20g (我自己另加）
鹽10g
溫水155ml (自己要目測）
先放晒所有粉，之後再放鹽和水。
我用mode30 打了兩次，共30mins，拎出麵糰放30mins。
跟住可以壓平，用刀切條。
煮嘅方法要點：
熟後要拿出即時浸冰水，咁先會彈牙。
歡迎大家上Bullbull自家廚房留言比我～～
我岩岩星期日試左你個整法, 不過唔知點解部105唔俾我打第2次 我打完第一個15分鐘之後, 隨即想禁多次mode 30, 但搞左好耐部機都唔俾, 係咁嚮唔郁, 真係一頭慕水~~
但我部機每次都可以喎，關咗機可以好快開番。不過最緊要唔好壞，壞咗就麻煩喇。 你再試下睇睇得唔得。唔得唯有用人手搓～～
其實我之前都試過呢個情況. 有次我用P仔整完鬆餅想焗多個, 隨即洗完兜再焗一轉, 部機又係咁, 禁咩制都得個響字唔識郁, 我心以為部機仲熱佢唔WORK啦, 所以俾佢抖一陣先再開, 咁就得嘞. 之但係今次整烏冬, 部機攪時唔會熱架嘛, 所以我都唔明點解佢唔俾我即禁多轉...廢解! 我下次試下你呢個方法睇下得唔得先.......謝謝你的意見呀! 我試左再嚟報告 ^.^
你試下長按取消，再等幾分鐘先按番開始，睇下得唔得啦～～
吾好意思又有問題、、、 想問問你用邊類型油掃？？ 油噴？
Thanks
你睇下日本aeon有冇得賣～～好似無印良好品都有得賣㗎。
我個油壼去吉吉島家品部買，好似係六十幾蚊一支。掃就去陳枝記買。
貴、、、都覚0架、吾覚４月尾就即買La ～ 家陣只希望貴買平用、用多D 你係魔鬼？ No La ～ Share 0甘多点会係魔鬼0牙 跟老公出trip 、、、 玩得Happy D 0牙 木村都出Trip 但0甘0既身世、無得跟、要継続做「宅女」 等収到食譜後睇睇有無吾同先。 家陣仲未好多日本人用、相信遅D 多人用時有多D 日式料理食譜、到時話你知
啱！貴買平用， 我當時用了＄1700買部機，都幾肉痛，所以就用盡佢！用唔停～～ 等我有時間plan吓去邊好，因為會住池袋，所以周圍已經有好多百貨公司行，諗起都好開心～～終於可以放下假（捱咗成年），唔駛再掛住啲功課測驗。
仲以為開始売一陣会落価、点知日本売到無貨買、、、吾知点解得0甘少貨 頭先上Amazon JP 見到実価29800円、但都要等７月頭先有貨、想緊Order Or not 、、、 結果走0黎你度一口気睇晒全部関於AirFryer 0既Post 、、、決定 、、、買 因為実在太吸引、、、你D 野食加AirFryer 等得0黎剛剛好 （反正家陣仲要戒口、、、） 突然有２個小問題 （１）D 野食放網面煮、攞出0黎時係成個網面攞？？ （２）日本有本食譜送、香港有無？有0既話係吾係教整中式野食0架？？ 知你最近忙、有時間先覆La Thanks again
嘩... 先答咗你嘅問題～ 1.其實個pan同埋個網兜係二合為一，所以你每次煮完成個拎出黎後按一下制個網兜就會甩出。 2.我買個陣有得送。而家好似跟機都會有。食譜都係炸魚柳、薯條之類，冇特別教中式食物。咁你個邊係唔係教日式食物嘅，買咗post上blog比我睇下啦～～（八掛） 最近係比較忙， 因為同小朋友溫書～～ 係呀，唔記得講你知，我16號去日本呀～～跟老公出trip，有啲時間會自己一個行街～～嘻嘻～～我都識路㗎！
你好厲害呢, 我用左p仔105試左你個烏冬食譜了, 真係好煙韌彈牙, 我想問, 你將麵團放三十分鐘就壓平同切條, 105既menu就話放兩個鐘, 點解咁大分別既 ? thank ｙｏｕ！
其實醒麵糰最少半小時已經OK，唔駛放兩個小時咁耐。
沒有留言:
張貼留言