手提打蛋機做的丹尼麵包

做開蛋糕嘅blog友都一定會有手提打蛋機。

我當然都唔例外啦。

但每次都只係用蛋拂，另一支S型嘅拂完全冇用過。

咁啱買咗本麵包書係教用手提打蛋機做打麵糰，

我又好奇想睇下自己部Texxf得唔得，

就跟住個食譜用中種方法做咗8個丹尼麵包。

用中種做包要多好多啲時間，

所以必須要早上趁小朋友未放學時做咗先。

經過幾個小時，

丹尼麵包出爐喇～～

原本好細個，發到好大呀～～

中間介開加咗牛油再灑糖霜，入爐焗15分鐘。

香噴噴嘅丹尼麵包出爐。

中種法唔難，

但如果初學者可能會較難掌握發酵嘅情況。

大家不妨可以在保鮮紙上平面望落麵糰，

劃上同麵糰一樣大嘅圓型，

方便睇番大2倍嘅size。

歡迎大家上Bullbull自家廚房留言比我～～