努力努力....再努力...
自從學咗Macaron後，
返到屋企成日都好想再練習。
終於有時間開始做，
但第一盤...
焗到爆晒口...(傷心流淚）
睇番書，上網睇，
應該係溫度太高，
又或者係Macaron表面太乾。
唔得，我點會認輸呢！！
第二日，我又再黎過，
今次我開咗抽濕機，
但就唔會好似之前咁樣對到正，
抽咗約1個小時，（濕度係60左右），
見到差唔多，
又再去試。
今次頭幾分鐘企係旁邊望到實一實！！
見到有裙邊，即時再較細10度火...
15分鐘後......
就咁除咗邊位一兩個嘅面有少少高咗，
其他都尚算正常。
攤番一陣，就開始拎出黎。
第一次用baking paper真係好難脫出黎，
但用silicon就唔同，容易好多。
因為我家焗爐係好早期第一代3in1嘅焗爐。（當時已經好巴閉，made in japan㗎）
焗麵包或蛋糕，顏色都唔夠均勻。
所以今次都唔例外，放在邊位嘅macaron，底部有啲好痴，唔靚仔。
冇法子，焗爐我控制唔到。
不過今次嘅成品，我已經好滿意～～
真係唔該晒朋友借我用嘅silicon 墊，
真係非常容易脫模。
我今次焗出黎係之前咁多次最好最好最好的！！！
其實唧嘅技巧都好重要，唔平均就唔可以湊好一pair pair，
所以大家真係要好好留意，
加度和手勢好重要。
最後加咗我兩個小朋友至愛嘅朱古力餡，
大功告成！！！
遲啲一有時間，會再努力試，
再做得好啲，會送比朋友食，
希望大家都鍾意啦～～
歡迎大家上Bullbull自家廚房留言比我～～
沒有留言:
張貼留言