Le Creuset skillet ~ 粟米蝦餅 （附食譜）

諗要做一個餸啱小朋友又要啱大人又要簡單又要好味真係好難！！！
有時真係要去到街市睇到咩先買決定煮乜。
不過夏天要去濕街市真係好辛苦，
又熱又焗又濕......（死得）
所以我就用咗極速左睇右睇，
終於比我見到目標......
叮一聲...（眼睛發光）
有啲啱啱瓜咗老襯嘅肥蝦...仲要係 ＄20一兜
我唔客氣咁買咗兩兜...

返到屋企又要睇下個廚櫃有咩存貨。
好...就用罐頭粟米粒啦！！！

用咗我好鍾意嘅LC skillet去煎，
因為LC好傳熱，所以煎出黎嘅蝦餅顏色好平均，好快攪掂。

又快攪掂又好食，

阿女一個食咗4件呀。

粟米蝦餅：（By Gloria Fung/BullBull自家廚房private kitchen)

1. 蝦先洗淨去殼挑腸，用隔油紙索乾. 

2. 用刀背拍扁，加入鹽、胡椒粉、麻油，用同一個方向攪至起膠。
3. 罐頭粟米粒抹乾，加入少許粟粉攪勻，再加入蝦內。放入雪櫃雪一陣會令蝦肉更彈牙。

4. 跟住我用LC  skillet煎，因為傳熱好，煎嘅顏色好平均。

＊＊記得用匙整成波型，放入鑊後就壓平。＊＊

歡迎大家上Bullbull自家廚房留言比我～～