囡囡生病了～～

上星期五，
囡囡的學校打黎話佢有少少燒。
跟住返到屋企沈睡後越黎越暈，
嗱嗱聲帶佢睇急症。
醫生發現佢血含氧度低，
引致佢呼吸有困難。
結果當然要即時入醫啦。
照埋肺，發現係支氣管和肺炎...
就係咁我留連續四日留在醫院全天候陪伴...
瞓咗幾晚，條腰骨好似唔係自己，
加上完全冇得瞓，
攪到持續性頭痛...（死得）

不過好彩有媽咪幫手，
我可以每日有幾個鐘返屋企疏洗。
另外有老公車出車入，
咁先冇咁辛苦。

雖然係咁，
最緊要囡囡冇事。
而家精神好咗好多，
但仍要留在家中休息。
希望佢快啲好番啦～～
唉...又唔見幾両肉，
又要諗吓煲啲咩比佢飲同佢補下先～～