小朋友學校又要換季，
我又要執番啲冬天衫...
忙到一頭煙，
所以食譜遲遲都冇時間寫呀。（唔好意思要大家久等)
今晚終於有時間坐定定寫~~~
今次日式疏夫厘芝士蛋糕係從網上找到的。
自已試過覺得非常唔錯，
另外再比過好多人試都讚好味。
材料好簡單：白朱古力、cream cheese、雞蛋， 焗盤用 15cm
做法亦好簡單...
我家工人姐姐都好鍾意我做哩款蛋糕㗎...因為佢可以洗少好多嘢。 (爆笑）
白朱古力120g （超市買到）
先用熱水座溶
Cream cheese 120 g
雞蛋3隻（中size)
（蛋白和蛋黃請先分開）
cream cheese先用機攪軟（太硬好難同白朱古力混合）
如果已經係室溫軟就唔駛再攪
把已經軟嘅cream cheese加入白朱古力內一齊攪
完成可以拿出（不用繼續座熱）
放入3隻雞蛋黃再攪勻。
餘下3隻蛋白打成蛋白霜，用機打至起角。
先把1/3蛋白霜加入麵漿內攪至八成，
接著加入碗內嘅1/2再攪至八成，
最後放晒全部。
攪勻就好停喇，過份攪拌會令空氣漏走，蛋糕就會升唔起。
預先已預熱170度，
放入蛋糕，再在焗盤上加入熱水，要多啲，太少好快會乾晒。
焗15分鐘。
跟住轉160度再焗15分鐘。
最後關火後，不要即時拿出，再等15分鐘先好拿出。
登登登...登......攤凍後再灑防潮糖霜。
另外雪凍食都好好味㗎～～
大家都試下啦～～
歡迎大家上Bullbull自家廚房留言比我～～
沒有留言:
張貼留言