颱風放假嗰日，
見下午天氣轉好就帶埋囡囡去超市買餸。
其實都唔知食咩好㗎，
咁啱見到啲蜆好平賣＄28斤，
就決定煮一味蕃茄醬白酒煮蜆～～
其實用煲煮都可以，
不過我想用下個skillet，
因為平時擺多過用嘛。（有啲浪費感覺）
今次嘅蕃咖醬係自己製，
做多咗唔怕㗎，
可以連埋意粉一齊煮，
不過記得要用密實樽再放入雪櫃先可以keep得耐。
因為我趕住開飯，
所以今次冇影咁多相呀。
不過做法好容易，
就咁睇食譜都會明點做。
由於蜆汁精華都入晒去醬汁內，
每啖都好鮮甜，
阿Do同細佬連汁都飲埋。
大家可以試下做，唔駛下下豉椒炒蜆嘛～～
蕃茄醬白酒煮蜆 (By GloriaFung/Bullbull private kitchen)
材料：
蜆1斤（我買咗1斤多少少）
蒜蓉 1茶匙
橄欖油 2湯匙
白酒 100ml
自家製蕃茄醬 100g
鹽 適量
黑糊椒粉 適量
蔥花 適量
自家制蕃茄醬材料：
原罐蕃茄或chopped碎蕃茄 一罐（超市有售）
蒜蓉 2茶匙
洋蔥(大size)約 1/4個（切碎）
橄欖油 2湯匙
羅勒碎 1湯匙
白酒1茶匙（冇可以唔加）
鹽 適量
黑楜椒粉 適量
橄欖油 1湯匙（最後步驟用）
蕃茄醬做法：
1．加入橄欖油再爆香洋蔥和蒜蓉至半透明狀。
2．把原罐蕃茄倒入（1）內，再加入白酒，慢火煮15分鐘，加入羅勒攪勻。最後加入適量鹽和黑糊椒粉。
＊＊餘下蕃茄醬可以放入密封樽內儲存，加入意粉一起煮＊＊
蜆的做法：
1.蜆買回家先浸在水中吐沙。洗淨備用。
2.先預熱pan，加入橄欖油和蒜容用慢火爆香，
3.之後轉大火，把蜆倒下，再加入白酒關蓋煮15秒。
4.開蓋再煮，直至全部蜆打開。
5.加入自家制蕃茄醬，攪勻，加入適量鹽和黑楜椒粉。
6.最後再加約1湯匙橄欖油攪勻，灑上蔥花即可原pan上枱。
歡迎大家上Bullbull自家廚房留言比我～～
攪好嘅免治豬肉醃好後，再撲生粉入airfryer焗一陣，等啲肉唔會咁易散開。
不過佢好乖，只係搵隻手摸下個公仔就冇掂喇～～
