好開心之前做嘅奶樽曲奇得到大家嘅讚賞～～（笑）
因為見到仲有少少糖霜剩番，
所以就焗多一底曲奇用埋去，
食得唔好嘥嘛。
今次我再做多幾個造型for 姪女百日宴用。
另外又可以練習下技術～～
我發覺唧糖霜只要不斷努力反覆練習，
會越唧越靚㗎！
我用模吸咗幾個款，
有hello kitty、鴨仔、BB連身衣、高根鞋、禮服、婚紗......
上次用咗五個鐘唧奶樽，
今次快好多，
劃線條都靚咗好。
為咗慳時間兩盤一齊焗～～
今次款式好多呀～～
BB全身衣，勁可愛～
哩個hello kitty，係我最最最滿意！！
面型唧得好平均，
加埋色，同街冇分別～～
禮服＋婚紗代表新郎新娘，
好多新人都會揀哩款做小禮物㗎～～
不過因為我係用剩白色蛋白霜，
所以比較稀身，
唧得唔夠立體感。
又係一樣，糖霜唔夠杰，我又費事再溝過，
所以字體唔夠立體， 下次要注意。
仲有可愛嘅鴨仔，人見人愛。
見到咁得意嘅曲奇，真係令人心情都變好～～
我會keep住做，
希望自己嘅技術再改善～～
沒有留言:
張貼留言