姪女快一百日大喇～～
因為屋企人會為BB攪百日宴，
所以身為姑媽當然要做番啲嘢啦！！
之前睇過本書教做糖霜曲奇，
作者做出黎嘅成品又靚又可愛，
我都好想試做一下。（雖然唔知得唔得，但都想試）
百日宴當然係做BB用品啦，
見奶樽款好可愛，
就揀哩款～～
做曲奇完全唔難攪，
只要唔好攪到啲粉糰起筋就會脆。
跟住係準備糖霜......
哩部份有啲難，
因為要溝到杰度啱啱好，
太稀就寫唔到字。
最後係加顏色，
BB女當然揀粉紅啦～～（可愛）
好喇，開始冷氣慢慢做....
起初幾個真係唧得麻麻地，
線條唔夠直，
睇書好似好容易，
但實際做真係好難...（出汗）
講到唧糖霜，
其實我都唔係第一次做，
上年妹妹聖誕party我都有同佢一齊做咗40塊薑餅人，
但因為主要係唧框，
唔複雜，所以好快就完成。
今次唔同......唧到手震呀！
睇下我做出黎嘅效果:
逐個step慢慢做......
曲奇用T仔水波爐用170度焗17分鐘（我同時間焗兩盤）
灘凍後，準備糖霜。
Hazel係姪女的英文名。
今次做咗二十幾塊，已經做咗5個鐘，
下次做60塊真係要做兩日先掂呀。
自己好滿意字體，唧咗二十幾次，基本上都OK 。
個別包裝好，唔分開pack好容易整到啲字花晒。
圖中除咗奶樽外，
另外幾個pattern係因為有多麵糰所以自己隨意畫其他公仔。
Hello Kitty係我自已諗款，
除咗對眼大咗啲，
我覺得OK㗎。
做糖霜曲奇主要係心機，
畫一次唔靚就再練，
功多藝熟。
希望收到嘅賓客會鍾意啦～～
歡迎大家上Bullbull自家廚房留言比我～～
沒有留言:
張貼留言