ABC cake License / Danish 丹麥雜果酥

登登登....登..........

終於拎到ABC Cake License嘅水晶座～～開心到震呀！！

個座係由日本訂做再運番香港， 

所以我們12月3日完成了課程都要等到而家先收到。

哈哈...我可以正式用ABC嘅蛋糕食譜開舖做生意...

唔知大家會唔會幫襯呢？（笑）

當然要幫個水晶座影番張靚相啦～～

有個黑盒包住，都好安全，唔怕撞崩。

拎完個座就開始我今次最艱巨嘅麵包master課程。

今次做Danish~~

做酥皮要好忍得凍，

因為怕牛油溶得快，

溶咗焗起就會冇晒一層層摺痕，

咁就唔係酥皮啦！

所以要開行冷氣，

攪到全場要陪我地一齊凍真唔好意思～～

最後用咗4小時35分鐘，

終於走得～

簡直係破盡我在ABC學嘅最長時間...

一路等一路搵人傾偈，

好彩同組兩個包友都好funny，

大家傾得好開心呀！！

不過就難為我地嘅老師，

哈哈...佢一定會比我地激到嘔幾啖鮮血！

好喇～睇下成品先～～

出爐喇～～一層層嘅酥皮出現喺我面前

當然要幫啲Danish裝下身先啦！！

灑完糖粉係唔係即刻靚呢？！

今次一共做咗兩款，共六個。

好開心比老師讚我做得靚～～

仲話我可以拎出街賣～～

返到屋企忍唔住喇，同阿Do share一個，

好好味呀！！！

就算隔晚食，

放入airfryer 160度焗5分鐘一定咁正！

外鬆內軟。

不過我下次整一定要拎埋塊大理石板出黎用＋開冷氣，

唔係實溶鬼晒。

歡迎大家上Bullbull自家廚房留言﹣Private Kitchen比我～～

Airfryer - 烤澳洲和牛 （附食譜)

Airfryer - 烤澳洲和牛 （附食譜）

文章日期：06/08/2012 09:34 am

其實哩一篇一早已經寫好咗，

但又唔記得post上黎同大家分享，

真係大頭蝦～～

塊和牛係上個月趁sogo感謝日嗰陣買，

又平又抵～～very good~~

其實我而家仲好回味～～

好多雪花紋呀～～睇見已經流口水～～

烤澳洲和牛：
1. 牛扒先用鹽＋黑胡椒醃片刻。
2. Preheat 180度（3mins)，放入牛扒烤10mins，轉用200度（3mins)。
我自己整咗個簡易牛扒汁淋係面，香噴噴，正呀～～

左上圖係邊位，所以比較熟。右下圖係中間位，五成熟剛剛好～～

歡迎大家上Bullbull自家廚房留言比我～～

yu at 05/31/2013 07:36 pm comment

正呀~ 不過我成日覺得豬扒牛扒好難整 好難掌握個時間... 我想問你個汁點整呀? 汁真係好緊要架~

beandogsnow at 05/31/2013 09:10 pm reply

我只係好簡單去煮汁。用牛肉精半粒＋半杯水＋少少鹽，最後加生粉獻攪掂。

Yukiko at 01/25/2013 05:51 pm comment

我烤了一塊美國西冷，跟你的做法，有8成熟

beandogsnow at 01/26/2013 12:40 am reply

有時厚薄都會有啲唔同，你想生啲下次記得減時間喇～～

Frozen 糖霜曲奇 Elsa and Anna ＋情人節心型曲奇

Frozen哩個名真係冇咩家長唔識，

就算已經隔咗年幾，

先前都曾經做過小白便當比阿女帶去運動會食。

今次上網搵到哩款公仔覺得好可愛，

雖然有啲複雜，所以決定一試～～

首先用我塊新買嘅大理石板（我在fb叫做雲石板），

用大理石做曲奇比用木板好，

因為大理石係凍，

壓粉糰唔會咁快溶，同埋唔痴板。

重都唔緊要㗎，送貨去到屋企，唔駛自已拎嘛～

睇下我做咗Elsa and Anna個樣～～

可愛嗎？

今次做有難度呀！

其中4塊嘅頭斷開咗，

可能係曲奇太鬆化，

所以拎嗰陣要好小心。

Anna比Elsa複雜，

細緻位比較多，

所以花嘅時間都會多啲。

個人覺得孖辮最難唧得靚...(練咗好多次）

中間最花時間係等乾...等到眼瞓呀！！

Anna比較容易，做起好閃㗎～～

我諗哩款曲奇，
如果仔女開生日送比啲朋友仔，
相信大家都會勁開心～～

因為好快就到情人節，

所以做咗啲心型糖霜曲奇送比阿Do，

做咗幾個款式～～

其中一塊手痕痕唧咗我同老公個名～～

今次嘅曲奇係做得最靚！又厚度平均，顏色又靚！！

（我用T仔190度焗13分鐘）

大理板除咗用黎做曲奇好，

用黎朱古力調溫一樣掂！

大家有興趣都買番塊用下～～

大家有興趣直接打去ACE KITCHEN LTD

搵Frankie Chu (Tel:60174957)
佢會好詳細解答到大家嘅問題～～

歡迎大家上Bullbull自家廚房留言比我～～

IWATANI 日本gas 爐 （海鮮用）新增圖片

上個月從日本回來，

也帶了這部gas爐回來。

其實gas爐屋企都有啦，

點解仲要買多部返黎擺呢？

原因好簡單，

就係燒海鮮都得！（連殼）

事緣我在日本一間食海鮮BBQ嘅餐廳，

食過用哩部爐燒出黎嘅海鮮，

又甜又好味，

令我忍唔住要捧部返香港囉！

哩部gas爐係日本出名嘅Iwatani出品。

價錢大約三佰幾蚊啦，

唔係話好貴， 

用番我地一般打邊爐嘅gas，

好方便。

清洗都幾容易。

 爐嘅size同一般gas爐差唔多。

火力都幾勁～～

睇下我放咗幾多海鮮，

真係好正！！

放心，由於係燒海鮮，

所以油煙唔多，

室內用絕對冇問題。

爐本身有埋個架可以放串燒上去燒。

不過我試過後唔會再在室內燒，實在太大煙！（燒肉只可以室外進行）

不過留意番爐size只適合四人用，

太多人一齊同時用就要等好耐喇～～

**新增圖片**

27/3 剛剛去完日本，次前就係因為試過哩間磯燒海產令到我上癮要買部爐返香港囉！！

而家次次去日本都一定會食，回味無窮！

睇見已經流晒口水。

燒海鮮都有技巧，唔食過都唔知。

味增蟹羔....好好好好食呀！！！

原條尤魚必食～

歡迎大家上Bullbull自家廚房留言比我～～

Natalie 豎琴日誌 （第四個月 ）新琴送到：Lyon & Healy Prelude 40 Harp

睇番自己已經好耐冇update個blog， 

原因簡單，唔係因為懶，

而係太忙...忙住去日本呀！！

十二月份小朋友放聖誕假帶咗佢地兩個去北海道滑雪。

已經好耐冇滑，

阿仔上年要為升中一而奮戰到底，

所以全家人去旅行嘅計劃要壓後...

今次去七日玩餐包！！

最開心係囡囡一個早上已經學識滑雪，（呵呵...佢個老師咪係我囉）

下午已經上初級滑雪道自己玩喇～～

不過返到香港唔夠四日，

我又要同老公再飛東京，

此行係公事，

要幫老公手攪展覽。

講講下，好似講咗我去旅行日誌添～～(⌒-⌒; )

講番正題先～～

先前曾經提及過會為囡囡買一部40弦嘅豎琴，

等呀等...又再等...終於一月尾送到喇～～（比預期快咗一個星期）

點解會咁想部琴送到？！

原因好簡單，

因為花在到琴行練琴嘅時間實在太多，

日日功課又鬼死咁多喎，

去練完返到屋企都五點半，

實在唔夠時間溫習呀！！

阿女又好勤力，連老師都讚佢，

不過佢練少一日又嘈，

唯有頂硬上啦！！

送琴黎嘅師傅好好人，

講解得好清楚。

佢好風趣㗎，

叫我而家好儲定錢，

話阿女好快就會改用另一更大型號嘅Pedal Harp，

最平都要六位數字...（;￣O￣）

睇下部琴有幾大部？

有啲人可能覺得奇怪，

點解唔買細部啲？

其實豎琴考試對豎琴係有限制㗎，

要超過某數量嘅弦線先比考試。

另外我都有帶囡囡親身去 Hong Kong Harp Centre度size和高度，

再聽埋專業人事嘅意見先買哩款L & H Harp，

唔係求其㗎！！！

聽講話而家訂琴，要等到八月先有貨呀...(OMG)

為咗令Natalie舒服啲，

我上個月仲買埋可以調較高度嘅琴櫈（屋企部piano嘅琴櫈冇得調高低）

再放埋腳踏比佢，

即時可以開始練琴。

Natalie的老師仲好盡責又細心，

佢當晚仲過黎我屋企幫我睇下有咩要執。

由於新琴到啲音會唔穩定，

所以頭個幾兩個星期都要調音，

但Natalie仲細，唔夠高又唔夠力，

所以重任唯有交比我啦。

老師教咗我download個apps，

方便我聽住黎調音。

睇佢好容易，

到我自已攪真係好有難度！！

最重要係我左手嘅手指勁痛呀，仲起埋水泡...（嗚..)

我真係好佩服阿女咁忍得...

佢痛到起泡甩皮都唔出聲。

另外仲學埋自已換弦線，

我都發覺得自己好勁呀。（嘻...)

經過4個月嘅練習，

剛剛學咗1級考試歌。

彈得唔係好熟，但都同大家分享下～～

黎緊仲要學三首二級考試歌（4月就考喇），

有咗琴部，

可以慳咗好多時間練習，

阿女你要比心機呀！！！

為囡囡做的糖霜曲奇Part 2 ~ 聖誕樹、雪人、糖果、禮物、鹿仔、聖誕老人、士的糖

先前已經做咗一批糖霜曲奇比囡囡送比小朋友，糖霜曲奇 Part 1 Pls click

因為唔足夠，

所以我又要再做第二round～～

今次同上次一樣，

其中一個模用番上次嘅雪人，

但顏色就轉咗。

曲奇係前幾日首先用Bosch M8打好粉糰，（用M8乾手淨腳呀！！）

再用T仔焗好， （一次過焗兩盤，慳時間）

最後用保鮮紙包好放入密封嘅盒再放雪櫃，

咁就唔怕會變淋。

圖中係由雪櫃拎番出黎攤凍

聖誕樹～當然唔少得啦～～

今次用咗wet on wet technique 唧花，

即係所有花都係趁icing sugar未乾時全部要快手唧好。

乾咗就會好平滑。

哩款technique都唔算太難，

但icing sugar要調較得啱啱好，

太乾或太濕都唔得。

我好鍾意哩一款，

覺得好靚。

士的糖都係用同一方法做。

雪人同之前唔同㗎，

頂帽子架咗朵聖誕難花～～（要細心留意下）

聖誕節當然要有聖誕禮物啦！！

再加埋糖果，幾豐富！！

我個女話送咗粒糖比校長做禮物喎～～

聖誕老人又係有啲唔同，

帽子的白色位置灑上糖，有閃閃嘅感覺。

另外鬍鬚都有啲難度，

好驚唔對稱...(手都震埋）

到鹿仔出場，

哩個鹿仔模係肥版，

有幾隻我仲幫佢加咗頭髮添～～（嘻嘻...)

為咗保存新鮮，

我仲出動埋封口機。

之前再用顏色鐵線索實就可以送比同學仔喇～～

哩個部驟由我個女負責做。

哈哈......成五十塊呀，幾壯觀......

我同囡囡都好興奮～～

今次用咗好多唔同款式和用上唔同嘅顏色，

非常吸引～～

聽囡囡講，同學收到後都好鍾意，

有啲甚至想要兩塊添～～

＊＊＊ 其實今次我仲做多額外十多塊比我朋友嘅姪女，

佢話佢都想帶啲送比同學仔，

哈哈...原來聖誕節真係好多小朋友鍾意收曲奇㗎！！＊＊＊

歡迎大家上Bullbull自家廚房留言比我～～

ABC cooking studio 料理篇 ～ 俄羅斯餐、蘑菇白汁手打意粉、日式鴨胸肉配手打蕎麥麵

又到料理篇，

因為太忙嘅關係，

我而家好多時都會group埋一齊先放上blog，

慳番啲時間。

今次主要係學手搓意粉，

原來都唔容易搓，

粉糰又硬，

要用雙倍力先搓到。

煮完我覺得硬咗啲，

食唔慣呀，

下次煮要再耐啲先夠。

雞扒好簡單，只係用rosemary和蒜片等材料醃。

我最欣賞反而係薯仔，

吸盡雞油，

又香但又超肥！！

之後回家再煮，因冇時間搓粉，

所以用百德XX意粉頂替，

其餘就跟番食譜...好快開到飯。

又到俄羅斯餐～～

其實我前年曾經去過俄羅斯，

食過正宗嘅俄餐，

同哩款係完全唔同。

只係個湯用咗紅菜頭煮，

同埋薯仔上有啲sour cream叫做有啲似咋。

用高麗菜包住免治肉，

再用高壓煲煮幾分鐘，

加埋茄汁（個汁可以用作茄汁意粉）。

隻蛋係多出，

唔好浪費放埋上去食咋。

講真，個湯真係唔多掂，

啲味怪怪，飲兩啖就放棄喇。

薯仔就幾好味～～

個炸包係我地全部人一致讚好！！

又係搓，不過今次係搓蕎麥麵，

仲有鴨胸肉＋汁。

肉碎炆南瓜

甜品係唔係好靚呢～～

原來要吊起黎雪到硬身。

完～～

歡迎大家上Bullbull自家廚房留言比我～～