我對Bosch M8廚師機真係冇投訴，
點解咁講？又可以打麵糰、又可以做蛋糕、又可以攪碎、又可以整麵條......
你話仲可以彈啲咩呢？
今次我連香腸都做埋......我細佬同弟婦上黎食飯時都嚇親呢！！
其實出街買香腸咪仲方便，不過個人覺得太咸了，比小朋友食得多身體都唔好啦。
所以由自己做最有益。每次做多啲，密封放入冰格可以keep好耐㗎。
我做嘅香腸，由攪肉碎開始都係由M8幫手......(錫晒佢）
由開始到做完成都係個半鐘，幾快手呢！！
第一次做真係有啲雞手鴨腳......
好彩做出黎都見得下人～～
今次我係用 日本豚肉腸衣，其實仲有羊肉腸衣，
價錢都會有少少唔好。
腸衣要先放入冰水30分鐘。
雞扒先洗淨抹乾，去肥膏，切成細細舊放便放入豬肉佬內攪碎。
雞肉免治調味，醃大約45分鐘。（因我冇時間，其實可以再醃耐啲）
安裝好做香腸嘅配件，將腸衣套入配件內，
記得腸衣要經常保持住濕潤，唔係香腸變乾身會爆。
本人強烈推薦圖中嘅攪拌捧，超級好用，
攪得好均勻。
第一次做，有啲唔平均～～
唧好後，就放入鑊蒸一陣。
咬落腸衣好脆，肉汁爆晒出黎，
我媽咪晚飯食飽後再比條佢試食，
佢原本話食一啖，
點知最後食晒～～（因為好好味呀）
煎兩條腸再加隻蛋和自家做嘅方包，
好豐富嘅早餐呀～～
歡迎大家上Bullbull自家廚房留言比我～～
沒有留言:
張貼留言