Bosch M8廚師機 ~ My brother's Birthday Cake

細佬生日喇，

我應承咗話焗個蛋糕送比佢，

所以 趁兩個小朋友去咗上興趣班，

拿拿聲焗起個清蛋糕先。

不過第一個唔知發生乜事，焗唔起？

後尾先發現自己大頭蝦，

高粉當低粉用。

唯有掉咗去再做多一個～～

今次當然成功啦，

唔成功真係抵打呀！

我今次用咗去sogo買嘅日本士多啤梨，

又甜又大粒！

由於我只係做6吋蛋糕，

所以只係用3粒已經足夠喇。

講到打忌廉，

M8出馬當然唔會有問題啦！

話咁快就打好～～

到咗最難攪嘅部份：「敏」cream

因為唔係成日練，

所以都整咗好耐先滿意。

今次唧水滴型，唧得嘛嘛地咋，不過總算見得下人啦～

 到最後當然仲有我次前上淘寶淘番黎嘅靚靚蛋糕盒。

size真係啱啱好，多一吋都放唔到入去。

拎住送比人真係大方得體～～

6吋細細個，cream又唔算多，

一人一件好快食晒～～

好彩細佬好鍾意，

哈哈...唔鍾意都唔得啦，

做家姐等登做黎送比佢。

不過講真，

自己做又平D又好食D，

加咩料都得，

M8～我愛你呀！！

歡迎大家上Bullbull自家廚房留言比我～～