心水清嘅blog友一定會發覺我最近少咗寫blog。
冇錯，上個星期渡過咗我人生中最緊張時刻....
﹣﹣＞就係阿仔中一放榜
哩個遊戲足足玩咗我成年。（由小五最後學期到小六全年）
少啲膽汁都會頂唔住。
我擔心到連頭髮都甩埋。（雖然阿仔考得唔差50名內，但一日未派位一日都係擔心）
最後......終於收到好消息，
派到第一志願...
我簡直開心死啦！
辛苦咗咁耐，
終於有回報。
全心全意做家庭主婦，
教仔全部自己黎（真係冇出街補習㗎），
當中嘅壓力差啲令自己崩潰。
好彩我搵到減壓嘅方法就係煮嘢食、做公仔、做袋......
雖然我仲有個女，
又要再次面對哩個殘酷嘅遊戲，
不過暫時唔理咁多，
哩個暑假好好休息下。
今次我又學咗Butter Chicken Curry。
最欣賞佢地教我用最少嘅香料，
可以做出近似印度咖喱嘅風味。
唔好睇好似好少份量，其實都飽肚㗎。
芝士烤餅真係會食上癮，半溶芝士真係好邪惡，食完唔肥先出奇。
以我性格，當然會短時間內再煮多次（當練習嘛）
因為似終有啲辣，小朋友接受唔到，
所以我加多咗奶去煮，
所以顏色會淡啲，
但冇影響味道。
阿Do食完讚不絕口，
話真係似印度咖喱。
哩款食譜會加入我未來經常會煮嘅其中一款。
同場加映上次學嘅日式手打udon套餐：
udon稍微煮得焾身咗，下次要減時間。
歡迎大家上Bullbull自家廚房留言比我～～
沒有留言:
張貼留言