不經不覺，
玩咗十字繡已經三年。
最近拎番一幅繡咗差唔多兩年前未完成嘅作品出黎，
唉呀...拖咗成咁耐都唔做埋去，
我都要鬧下自己點夠咁懶！！
其實哩份作品，
係我每次帶小朋友上興趣班時拎埋去繡，
目的係消磨時間。
買哩個圖案係因為囡囡當時啱啱開始學跳舞，
佢一見到個女仔就話好靚好靚，
求我整比佢。
咁好啦， 阿女 叫到，
做阿媽一定盡力辦妥！
哩個pattern真係幾難攪，
成個tone係紫色，
由深到淺，
全部超過44隻色，
攪到我繡到眼都朦埋～～
不過講真，出黎效果真係非常好，
層次感豐富，
做起一定要用相架錶起！！
其實仲差少少就繡好，我會再努力～
睇下啲格仔幾細粒，
我又點會唔繡到眼朦喎～～
不過咁細繡起會更細緻。
歡迎大家上Bullbull自家廚房留言比我～～
沒有留言:
張貼留言