Bosch M8 ~ 馬卡龍

今日適逢西方情人節＋元宵街節～～

我又要湊住兩個小朋友，

冇特別出去慶祝。

不過講真情人節對我真係唔太重要，

點解？因為我同阿DO嘅結婚周年紀念啱啱又係二月，

所以我地二月頭已經慶祝咗咪順便當情人節。

諗咗好耐，

送咩比阿Do最好呢？

買嘢又貴，（我好慳家，慳埋慳埋買晒廚房用品...）

最好都係自製。

咁做咩最好？

因為先前做馬卡龍唔係話好成功，（做過兩次，但都唔成功，爐溫攪到我好頭痛呀！）

所以決定再試！

材料當然好簡單，

但焗爐溫度真係難控制。

原來Bosch M8都可以打到一隻蛋白㗎～

真係勁！

睇下我做出黎～～

入爐喇，好緊張～～

好彩順利焗到裙邊

焗好拎出黎攤凍。

個樣都OK㗎。

但當我反轉睇，只得中間位置嘅馬卡龍個底係熟，旁邊唔係好得呀，

真係冇心機，希望下次可以做好啲啦！

送比阿DO，佢雖然唔多喜歡甜品，

但都讚我話好味～～

馬卡龍材料雖然好簡單，

但要焗到靚真係唔容易，

未來日子會練習多啲，

但唔知要浪費幾多杏仁粉和糖霜。

               歡迎大家上Bullbull自家廚房留言比我～～