終於等到香港有粉紅色stockpot～～
之前只係見到台灣有，
但每次我老公去到台灣，
都係冇貨......
註定我同佢無緣....><"
點知今年情人節，
香港LC有入哩一款煲做promotion，
雖然要一套咁買， 加埋兩隻碗要＄1268，
但我都係忍唔住要帶佢返屋企！！！！
我坐老公順風車，大約十點半已經到咗中環LC，
前面得一個人排隊咋。
傾下偈、上網、時間過得好快～～
一入去已經order，
話咁快可以比錢走人，
效率好高呢！
返到屋企已經等唔切拆出黎影番張靚相，
我仲已經買埋料，
今晚同個煲剪彩～～
又係時間要構思一下可以煮啲乜～～
後記：即晚已經煲咗一煲靚湯，
仲寫埋比大家睇下，
煲咗兩個鐘後水份流失咗幾多。
都唔算好嚴重，
一家四口都飲唔駛呀～～
不過只係睇住個煲，
發夢都會笑！！
沒有留言:
張貼留言