一路以黎都有試做開馬卡龍，
但唔係好穩定，
未必能次次成功。
雖然材料好簡單，
但要掌握嘅技巧太多，
真係唔到最後焗都唔知成唔成功。
我自己都掉過唔少...(傷心流淚）
真係見到都肉痛。（唔係錢嘅問題，係心血嘅問題）
所以今日上堂帶住戰戰兢兢嘅心情，
擔心唧得唔夠圓，
又怕焗起冇裙邊，
真係緊張到流晒汗呀！
等待出爐嘅時間真係漫長......
好彩最後經老師悉心嘅指導，
最終都成功咗。
我一定會努力，
要戰勝屋企部焗爐...（冒汗中），
做到完美嘅馬卡龍...(發夢中）。
做過馬卡龍嘅blog友仔，
都會知道材料係好簡單，
但需要嘅技巧要好高，
可以話係一款易學難精嘅甜品。
經過一番努力，唧得都好均勻，好容易搵到啱size拼合一齊。
有埋盒包住，方便我山長水遠拎返屋企都唔會變形。
其中四粒會有埋裝飾，靚唔靚呢？
我拎到返屋企已經好快冇晒，
好彩最後都有兩粒留番比阿Do，
真係叫遲啲都冇剩呀！！
自已試咗兩粒，
唔算好甜，
仲食到啲杏仁味，
唔錯喎～～
歡迎大家上Bullbull自家廚房留言比我～～
沒有留言:
張貼留言