先前已經用過airfryer焗燒肉，
不過總係覺得唔夠脆，
同埋皮有啲硬。
終於今次問咗媽咪借佢個針插，
用力係咁插舊五花腩，
真係插到體無完膚......
結果焗出黎，
效果好正，係咁我咁多次做，
最正嘅一次！！！
咁啱細佬同佢女友上黎我屋企，
請佢地食咗幾件，
直頭係locklock聲，
細佬女友都話未試過食到自家做嘅燒肉可以咁脆～～
哈哈......真係好有滿足感～～
真係要多謝媽咪，
有個咁好用嘅針插借比我～～
完全爆皮，用正方型五花腩做好過用長方型，
不過街市一般都只係肯賣長方型，
我唯有買多啲，自己再返屋企切。
我今次只係用鹽和五香粉醃已經好入味！！
焗之前用粗鹽放係面，
Airfryer preheat 180度（3mins)， 先焗25分鐘（大舊啲就要加時間）。
把鹽取出，再焗約20mins，轉用大火200度爆皮，焗10﹣15mins。
如果要焗兩轉，第二轉就唔好焗咁耐，會好容易燶。
邊位覺得硬可以唔要。
同場加影，焗完燒肉後，咇咗出黎嘅油～～
P.S.請勿恐慌
所以airfryer真係唔錯，焗出黎嘅食物可以減去很多油份，
對身體健康啲～～
謝謝你的回覆! 你說"焗之前用鍚紙包著四面" , 是否用錫紙包着肉的部份, 只露出頂的皮, 然後在皮上鋪一層粗鹽? 是否整塊焗完再切? 對不起! 又要麻煩你回答......
真係十分不好意，我現在先見到你嘅問題～～ 是的，用錫紙包四邊，面就放粗鹽。焗好後先將面嘅鹽拎走，再斬開。
五花腩要先用水煮煮嗎? 可否講詳細少少醃和煮的每個步驟, 麻煩曬!
五花腩不用出水，只要直接加入鹽和五香粉於肉上（皮不用醃）已OK。最好隔晚醃定，第二日焗之前兩個鐘由雪櫃拿出，用針插於皮上插洞（越密越好）。焗之前用鍚紙包著四面，皮就用粗鹽遮蓋。焗頭個20mins後，可以把鍚紙和粗鹽拿走，再焗至爆皮。不過你自己要留意，每舊肉都唔同厚度，我有時再焗時間都要自己調整，這個時間只係比你參考！
你好..我都係路過...睇左你BLOG之後知道原來你就係BK果位媽咪.. 見你好多AIRFRYER既食譜..想問下其實會好熱氣嗎??? 因為真係好吸引..但又怕食物好熱氣...無油係咪應該會好D..??
嘻嘻...係呀我都係BK媽咪～～ 其實airfryer似終都係炸同焗，點都會有啲熱氣。不過又唔係想像中咁勁，只要好似平日咁，得閒食番啲五花茶已經OK。講到無油， 哩部機真係頂瓜瓜， 我真係好耐先會買油一次，小朋友食少啲油對身體都好啲啦～～
Thanks a lot ～ 你真好人 開始時吾知Airfryer 係0羊、見大家煮0甘多野食又超少油、大人人自己又鐘意食香口野、所以想買返個、、、 但其実仲有個大問題： 電圧 睇個Airfryer 個Spec 、吾0岩日本用、要用変圧器又煩 香港人常用0既電子瓦煲、日本人都吾係「普通」、不過好彩都吾難買到
係喎，電壓都係一個問題，要拖個大變壓器又真係幾麻煩。買之前都要諗清楚呀。
好正0牙 ～ 見大家用Airfryer 煮野食、好想買、但日本仲未Hit 、有得買0既地方都係由外国代買、、、又貴又要運費！！
Airfryer真係幾好用，煮出黎嘅食物又可以減少油份，我真係好鬼鍾意用～～原來日本仲未hit，可能日本出咗啲再勁啲嘅小家電～～不如你下次返香港買番個咁咪可以慳番啲運費。如果然你早啲講，我老公上個月去過日本，可以叫佢買個幫你帶返日本再寄比你。
沒有留言:
張貼留言