之前睇開carol嘅食譜做的戚風蛋糕，
唔係唔好食，但硬係唔夠鬆（食完冇一陣風嘅感覺），點解呢？
會唔會係自己攪嘅過程太大力令空氣漏晒出黎？
上完堂我終於明白點解，
原來係自己切拌嘅手法唔正確，成日壓咗好多空氣出黎，
令到蛋糕唔夠鬆軟囉。
真係唔講唔知，做蛋糕嘅技巧係有咁多，
有時單單睇書未必會明白晒。
就係咁樣，學完之後，已經先後做咗三個chiffon cake出黎，
囡囡好鍾意食，佢會帶啲返學校做茶點，
另外有啲就送比朋友，
好快就分晒。
基本上蛋糕唔會過兩日。（笑)一定清晒！！
哩個係學校做嘅～～
因為屋企只係得6吋模，所以迫迫地用住先。
多出黎嘅要用另一個盤焗。
脫模都幾有技巧，
我都要再練多啲。
鬆軟㗎！！把刀真係要好利，唔係切到一patpat。
今次火速買番個7吋模，即時靚仔晒！
下午茶，一件蛋糕再加杯coffee，人生一樂也～～
歡迎大家上Bullbull自家廚房留言比我～～
沒有留言:
張貼留言